મગજમારી

એને ઝાંપો કે જાળી કાંઈ એવું હોતું હશે ?

આ મગજને તે કાંઈ બારી જેવું હોતું હશે ?

કહે લોકો 'આના મગજમાં કોઈ વાત ઊતરતી નથી,

તો વાતને ઉતારવા કાંઈ ડોલ દોરી જેવું હોતું હશે ?

સતત ચાલતી રહે ચોવીસે કલાક વણઝાર વિચારોની,

એને કાંઈ થોડી દિવસ રાતની પાળી જેવું હોતું હશે ?

ટોકે બધાં યાદ રાખો, બેસાડો મગજમાં વાત બરાબર!

તોય ભૂલવામાં એને કોઈની સાડીબારી જેવું હોતું હશે ?

રોજ જમાવે, ફેરવે, ને રોજ રોજ સૌ ખાય પણ ખરા,

એને પણ કાંઈ રસોઈની મગજમારી જેવું હોતું હશે ?