માનવતાનો રંગ

વગડાએ ધર્યો છે લીલુડો રંગ !

જોને પ્રકૃતિ સંગ ઊડે શબ્દ રંગ !

હોળી આવી ધેરૈયા સૌ ગાઈએ;

શબ્દોમાં ભરીને કેસૂડાનો રંગ !

રાગ-દ્વેષ, કૂડ-કપટને ત્યજી,

ભરીએ ભીતરે માનવતાનો રંગ !

મનમાં ઊઠતા કામ, ક્રોધ, લોભને 

હોમીએ ધાણી, દાળિયા ખજૂરને સંગ !

રહીએ હળીમળી સૌ વેરભાવ ભૂલી;

ભરીએ પ્રેમમાં ઝબોળી પિચકારીમાં રંગ !

લાવી ધુળેટી આનંદ સંગ ઉલ્લાસ,

ઊડે અબીલ ગુલાલ ને કેસૂડાના રંગ !

થઈએ તરબોળ ખુશીઓની છોળોથી;

રેલાવી સ્મિત વહાવીએ હાસ્ય રંગ !