થોડા થોભી જઈએ !

જીવનના ચક્રવ્યૂહમાં

ઉપર ને નીચે, આગળ ને પાછળ,

અંદર ને બહાર, સતત ..

લપાતા, છુપાતા, હરખાતા, દુઃખાતા,

રસ્તા પર કોઈને પૂછ્યા વિના સરકતા,

આપણે સૌ !

દૂર દીવાદાંડીના પ્રકાશમાં,

અજવાળતાં-અંધારતાં, દેખાતાં-ખોવાતાં,

આગળ ને આગળ, કશાકની શોધમાં,

ભટકતાં - રખડતાં, નિઃસાસાને ફેંકતાં,

પેલે પાર પહોંચવાનાં મદમાં

આપણે સૌ !

આજને ઠુકરાવતાં, કોસતાં, ગુમાવતાં,

અગમને નિગમના પર્દાફાર્શમાં,

આતમના ઓલિયાને ન સાંભળતાં,

તેજોમય તોતિંગ સૃષ્ટિનાં પટાંગણમાં,

ચાલને થોડા થોભી જઈએ,

ને એક વૃક્ષ આજે રોપી લઈએ !