ગમે કે ન ગમે !

નિસર્યા વિલાયત આશ ભરી,

અનુભવે વાત સઘળી ફરી,

તે જ ક્ષણે પોતે કર્યું નક્કી,

સહન ક્યારેય આ થશે નહિ.. કોઈને ગમે કે ન ગમે !

ફેંકાયા ટ્રેનનાં ડબ્બામાંથી,

સહી અવહેલના અતિ ભારી,

જાગ્યો ત્યાં આતમ તેમનો,

જંપીશ હું લઈને બદલો.. તેમને ગમે કે ન ગમે !

કર્યો બળવો પરદેશમાંહ્ય,

ને પરત આવ્યા દેશમાંહ્ય,

ધીમા અને મક્કમ સ્વરે,

જગાડ્યા સૌ ભારતીયોને...તેમને ગમે કે ન ગમે !

ખૂંદી વળ્યાં ત્યાં દેશ આખો,

જોઈ ગરીબીને ખોલી આંખો,

ગોખલેની શિખામણ સાંભળી,

બાપુ પોતડી ધારણ કરે..કોઈને ગમે કે ન ગમે !

ધીમે-ધીમે લગાડી આંચ,

લોકહૃદયમાં જગાડી આગ,

દેશ હેરાન હવે ન થાય,

જેલ ભેગા ભલે થવાય..સૌને ગમે કે ન ગમે !

અનશન પર ઉતરી ફરી,

નોઆખલીનાં રમખાણ પછી,

નેતાઓએ સમજાવટ કરી,

ભાગલા ભારતનાં જ્યાં પડે...સૌને ગમે કે ન ગમે !

સશસ્ત્ર ક્રાંતિવીરોની વાતો,

ક્યારેય માન્યા નહિ વિવાદો,

ફાંસી ચઢ્યા એ સૌ જુવાનો,

અહિંસા ને સત્યાગ્રહ ફળે..તેમને ગમે કે ન ગમે !