મા

ન આપી શકાય કોઈ ઉપમા તે છે મા !

જે હર સીમાથી પરે છે તે મા !

અમૂલ્ય, અમાપ અને અપાર;

પ્રેમની વર્ષા વરસાવે છે મા !

ઉનાળે તપે સૂર્ય આકાશે ત્યારે;

મીઠી વીરડી શી શીતળ છે મા !

શિયાળે હાડ થીજવતી ઠંડીમાં;

હૂંફભર્યો હેતાળ હાથ પસવારે મા !

રાજકુમારી ને પરીઓની વાર્તા કહી;

પોતે જાગીને હૈયે ચાંપી સૂવડાવે મા !

ચહેરા પર હાસ્ય ને ભીતરે છૂપાવે દર્દ; 

વિશ્વ રંગમંચની શ્રેષ્ઠ કલાકાર છે મા !

જોડ તારી ના જડે આ સૃષ્ટિમાં !

અદ્વિતીય, અજોડ છે તું આ સંસારે મા !

ખૂટી પડે શબ્દકોશના શબ્દો સઘળાં;

વર્ણન શું કરું હું તારું ? અવર્ણનીય તું છે મા !

મમતાનો અખૂટ ભંડાર છે તું;

અવર્ણનીય છે મમતા તારી મા !