ચુંબકીય મન

નીર જેવું નિર્મળ અને પારદર્શક,

મર્કટ જેવું ચંચળ અને હઠીલું;

અગાધ શક્તિનો ભંડાર, આપણું માનવીય મન !

જાગતું તન રાહી

અને

જાગતું મન રાહબર બને

અર્ધજાગ્રત મનમાં વાવીએ વિચાર ઊંડાણમાં, 

કરવા સપના સાકાર

મંઝિલ ભણી દોડે

ઈચ્છીએ તે ખેંચી લાવે, ચુંબકીય મન !

બીજ વાવીએ નકારાત્મકતાના

દુઃખ, દર્દ ને વેદના ભરપૂર લાવે !

રાખીએ વિચારો હકારાત્મક

તો

પ્રેમ, લાગણી અને સ્નેહને આકર્ષે !

બંધન અને મુક્તિનું કારણ છે આ

અશ્વ જેમ દોડતું મન !

વાળીએ જો સદ્માર્ગે

તો 

આવાગમનના ફેરામાંથી મુક્તિ અપાવે આ મન !