સમય શીખવે છે

અહીં જાગવાનું સમય શીખવે છે,

પછી ઊંઘવાનું સમય શીખવે છે,

ત્યજી રાગદ્વેષો ભરી પ્રેમ હૃદયે;

ફરી જીવવાનું સમય શીખવે છે,

મળ્યો ઘાવ સંબંધમાં ના રુઝે તો;

ઝખમ ભૂલવાનું સમય શીખવે છે,

મળી પળ હતી જે કો' સારી એને;

ભીતર રાખવાનું સમય શીખવે છે,

લડે એકબીજા ઉપર ફેંકી પથ્થર; 

છતાં પૂજવાનું સમય શીખવે છે,

ફસાઈ જો સાગર મહીં કો' વમળમાં;

કદી ડૂબવાનું સમય શીખવે છે,

અજ્ઞાને તમસમાં ડૂબે આત્મ, જ્ઞાન;

દીપે ઉગરવાનું સમય શીખવે છે.