દીકરી

કસબી હાથે ઘડીને તે દીકરી કરામત કરી !

કેમ આપી પ્રભુ તે પારકી અમાનત કરી ?

કેમ કરીશ વિદાય મારા કાળજાના કટકાને ?

સાચવશે કોણ ? લાડ-પ્રેમથી હિફાજત કરી !

સાવ સૂનું-સૂનું થાશે ઘર ઝાંઝરના ઝણકાર વિના ;

સ્નેહના લેપથી તૂટ્યું હૈયું સાંધશે કોણ મરામત કરી ?

ઉછળતી ને કૂદતી હંમેશા ઝરણાં માફક વહેતી;

યાદ આવશે સઘળી બાળપણમાં જે શરારત કરી !

ઢીંગલીની માયા મૂકી, માત-પિતા સખીઓને રડતાં;

જિદ્દ ને શરારત છોડી ચાલી સૌને અનાયત કરી !