તે શિક્ષક કહેવાય

વિદ્યાર્થી વ્હાલા જેમને તે શિક્ષક કહેવાય !

સદાય શાંતિ જાળવે તે શિક્ષક કહેવાય !

નિષ્ઠાથી કામ કરી, વિશ્વાસ સહુનો જીતતો;

સમાજને સાચો રાહ ચીંધતો તે શિક્ષક કહેવાય !

તકલીફ વેઠે ખુદ, અન્યને ન રંજાડતો;

હિંમત કદી ન હારતો તે શિક્ષક કહેવાય !

ન્યાયને ખાતર લડતો, પીછેહટ કદી ન કરતો;

વિદ્યાર્થી હિતને અગ્રીમતા આપતો તે શિક્ષક કહેવાય !

વિવેકનું વાવેતર કરતો, સંસ્કારોનું સિંચન કરતો;

જ્ઞાનસુધા અવિરત પાતો તે શિક્ષક કહેવાય !

બની કુંભાર કાચી માટીના પીંડને આકાર આપતો;

બાળકના જીવનનું ઘડતર કરતો તે શિક્ષક કહેવાય !