હામની જીત

કેમે ન જાવું મારે હારી,

ઓ આતમ મારા,

ભીતરે ભરોસો મુને ભારી.

હૈયાને હામ દેતો,

ભૂલ પડે ત્યાં કહેતો.

અવળે મારગથી લેતો વારી..

ઓ આતમ મારા,

ભીતરે ભરોસો મુને ભારી.

મનને મક્કમ કરતો,

હૈડામાં હામ ભરતો.

અંતરિયું દેતો તું ઓવારી..

ઓ આતમ મારા,

ભીતરે ભરોસો મુને ભારી.

કાંટા ને કંકર આવે,

તોફાનો આવી સતાવે.

એને પણ પડશું આપણ ભારી..

ઓ આતમ મારા,

ભીતરે ભરોસો મુને ભારી.

દલડું છલકાવી દેતો,

 મુખડું મલકાવી દેતો.

દેતો નંદીનું જીવન તું સવારી..

 ઓ આતમ મારા,

ભીતરે ભરોસો મુને ભારી.