સમયને સમજી લે

સમયને સમજીને, તું સમયનું મૂલ્ય જાણી લે !

કરી સદુપયોગ સમયનો, તું સમયને માણી લે !

રહેતો ના હંમેશા સરખો, એ જ તો સમસ્યા છે;

રેત માફક સરી જાય, એ પહેલાં તું નાણી લે !

ના મરણ છે એનું, ના લીધો જન્મ ક્યાંય એણે;

ગયાં પછી પાછો ન ફરે, આવી તક તું ઝડપી લે !

ગત સમયને ભૂલી જા, ભવિષ્યની છોડ ચિંતા;

આજની પળને આજમાં, તું જીવતાં શીખી લે !

સમય સાથે તાલ મેળવી, તું હરપળ ચાલતો જા !

બદલાતાં સમય સાથે, ખુદને તું બદલાવી લે !

છે સમય બળવાન ના બળવાન થયું કોઈ સમયથી ;

ખૂબ દોડ્યો ધન માટે, હવે તો જીવતર જીવી લે !

ક્યાં ઓળખી શકાય છે ચ્હેરા પાછળનાં ચ્હેરાને ?

સમય દેખાડી જાય જે, એ સમય સાથે સમજી લે !