કલમ દોડે છે

વિચારોની રેસમાં મન દોડ્યું;

કલમની શાહીમાં મન મોહ્યું,

ત્યારે કલમ દોડે છે....

મન પર થયું સ્ફુરણનું આગમન;

કલમે વરસાવ્યો શબ્દોનો વરસાદ,

ત્યારે કલમ શબ્દોને સેરવે છે...

લે છે કલમ વળાંક, એવા કરી તલસાટ;

રાખી સમાજના દરેક પ્રશ્નોને યાદ,

 ત્યારે કલમ રસ્તો બદલે છે...

નથી શોખ કલમને કાગળ પર છવાઈ જવાનો;

એને તો આપવો છે, ઉદ્દેશ્ય મિલનનો,

 ત્યારે કલમ હસે છે...

હવે જોડાયો સંબંધ કાગળને ટાઈપીંગ સાથે;

પડ્યો કલમને વિયોગ માથે,

ત્યારે કલમ રડે છે.