કોણ છે તું, શ્યામ ?

ફેંકીને પાસા મધુર મરકતો,

નચાવતો સૌને,

મનમોહન, જગવંદન,

દ્યૂતની રમત આ સૃષ્ટિ તારી,

ક્યાંય શકુનિ તો નથી ને તું ?

ફેલાઇ નભ સમ ચારેકોર,

કેશવ, મધુકર, મુરારી,

કુંજબિહારી,

કરતો જે ટહુકાર,

પેલો મોરલો તો નથી ને તું ?

ક્ષણમાં બદલતો ચિત્ર તું,

વિરાટ સ્વરૂપ ધારી,

જીવનનાં ગણિતનો,

સૌનો હિસાબ રાખતો,

ક્યાંય ચિત્રગુપ્ત તો નથી ને તું ?

ઓ નટખટ, ગિરિધર,

શ્યામસુંદર,

અમ નિસહાય  નિર્બળ,

આવ તું, હાથ ઝાલ તું..

સૌનો તારણહાર  તું !