કામણગારો કાનો
કામણગારો કાનો
ચુંબકીય આકર્ષણ છે,
કામણગારા કાન તારું,
તુજ તરફ ખેંચાઈને,
ભૂલું છું હું ભાન મારું,
રાજ ચાલે તારું બધાનાં હૃદય પર,
તુજને પામું તો સૌભાગ્ય મારું,
હાંસી ઉડાવે દુનિયા તો કંઈ વાંધો નહિ,
તુજને ગમતું કામ કરું,
એ જ કામ મારું,
વધારે સમય તુજથી દૂર ન રહી શકું,
હવે, તો આપ સાચું સરનામું તારું,
કસમ કાન તારી ખાઈને કહું છું,
તારા વિના નથી કોઈ મારું,
તને કશું આપવા હું સક્ષમ નથી,
બસ તારા પર મારી જાત હારું,
હૃદયાસન પર બિરાજમાન, હે પ્રભુ !
દિલના દીવડા થકી તારી આરતી ઉતારું.