જિંદગી

જિંદગી,

હંમેશાં મારાથી ભાગતી જ રહી,

ખોળામાં મસ્તક મૂકી,

તેમાં ફરતો હાથ આભાસી,

જાણે મારી જ હસ્તી ઉડાવે મારી હાંસી...

એક ડગ માંડુુ કાંઈક પામવા થઈ અધીર,

દેખાય ત્યાં તો ઝાંઝવાના નીર..

હંમેશા મારાથી ભાગતી જ રહી...

કાંઈક આપતી કાંઈક છીનવતી,

ક્યારેક રડાવતી ક્યારેક હસાવતી,

ક્યારેક રીઝવતી તો ક્યારેક શીખવતી..

હંમેશાં મારાથી ભાગતી જ રહી....

સમેટી લઉં જાણેે હું તેને,

બાંધી દઈને પાળી..

ત્યાં તો ચાલી જાય એ દઈને હાથતાળી..

દિસે આમતો જાણે સાવ હાથવગી,

છતાં કદીએ ના પહોંચાય તેનાં લગી...

જિંદગી..

હંમેશા મારાથી ભાગતી જ રહી...