દિવાળી

લે આવી, લે આવી, લે આવી દિવાળી

અમે નવાનવા કપડાં લીધાં સંભાળી,

રંગ-બેરંગી કરી રંગોળી

દીપ કાજે લીધાં દીવડા ખોળી

તેલ તણી અમે બરણી ઢોળી

બિલાડી પર દોષ એ ઢોળી

ભાઈ-બહેને ગજાવી શેરી સારી

લે આવી લે આવી લે આવી દિવાળી,

ફટાકડાં બહુ ફોડયાં ડેલે

કૂતરા-ગાયો દોડ્યા રે’લે

હું તણખો મૂકી ભાગ્યો છેલ્લે

બા કહે કોણ છે આ બુદ્ધિશાળી ?

લે આવી લે આવી લે આવી દિવાળી,

રજા પડી તો મજા કરી ભૈ

જુના કપડાં ગરીબને દઈ-દૈ

આપણે નવા-નવા સજાવ્યાં

પાંચ જીબીમાં વળી ફોટો પાડી

લે આવી લે આવી લે આવી દિવાળી

અમે નવા-નવા નખરાં કીધાં સંભાળી.