સુકલકડી હઝલ

ખાલી પેટે ગઝલ લખી છે

ભૂખ્યા રહીને ગઝલ લખી છે,

ચરબી વિનાની હાડકાંવાળી

સિંગલ બોડી ગઝલ લખી છે,

મસ મોટી તો બહુ આવી ગઈ

સુકલકડી મે ગઝલ લખી છે,

અડકું તો બસ હાડકાં વાગે

હાડપિંજરની ગઝલ લખી છે,

સાત વારનું જમવાનું ને

ના વધવાની ગઝલ લખી છે,

અજબ-ગજબની આ બોડી છે

મારા વજનની ગઝલ લખી છે,

જેવા છીએ એવા રહીશું

સીધા પેટની ગઝલ લખી છે,

હસતા રહેજો તો ઉતરશે

હસવાની આ ગઝલ લખી છે,

વાંચી એકવાર વાહ લખી જો

વજન ઉતારવા ગઝલ લખી છે.