નવી વાત ઊગી છે

ગામનાં પાદર જોને ફૂલની નવી જાત ઊગી છે

પગલાં તારા જોને ધૂળની નવી વાત ઊગી છે,

ફૂલો પારિજાતનાં કેવા, કેવી નવી રાત ઊગી છે

સોનામાં સુંગંધ ભળીને તું મારી સાથ ઊભી છે,

ગરમી જોડે ગરમાળા એ બાથ ભીડી છે

પીળા ફૂલની જોને નવી ભાત ઊગી છે,

વાદળ વચ્ચે સૂરજનાં જો તું આંખમીંચાણા

તારી મારી આંખે જોને નવી આશ ઊગી છે,

ઘાસે ઘાસે અડકો દડકો લીલે લીલું થાય

મારા દિલમાં જોને વ્હાલી કેવી લીલી હાશ ઊગી છે.