ડરામણું

કેવી ભયાનક હતી,

એ પાછલી રાત,

હજી પણ રૂંવાડા,

ઊભા થઈ જાય,

યાદ કરું ને ઓઝલ થઈ જાય,

ભયની ભાવના વહી જાય,

કેવું આવ્યું હતું ?

એક સપનું ડરામણું મધરાતે,

ટપોટપ જોયાં મરતાં માણસોને, 

આ સગી આંખે, 

બધાંની વચ્ચે હું ઊભી, 

નિઃશબ્દ, મૌન બની, 

ગળાની ચીસ મારી, 

ગળામાં સમાય ગઈ, 

બંધ આંખોએ, 

ભૂતાવળો ગણતી ગઈ, હજી આંખ ખોલી નથી, 

સાચું કે ભ્રમમાં છું ? 

સમજી નથી, 

સવારનાં પહેલાં કિરણે, 

જાગી ગઈ, ભૂલવા મથી, 

એ પાછલી રાતને.