શબ્દોની મથામણ
શબ્દોની મથામણ
મનનાં મહેરામણમાં,
ઢબુરાયેલાં શબ્દોની,
થઈ ગઈ મથામણ,
ભાવ વિશ્વમાં પસાર થઈ,
કાગળ પર અવતરવા,
લીધો સહારો કલમનો,
બસ, એમ જ લખાઈ જાય,
હૃદયનાં ડૂમાનો એક સવાલ,
ભીની ભીની મોસમનો જવાબ,
ફોરમતાં ફૂલોની ફોરમ,
ને ગુલશનમાં આવેલી હલચલ,
થઈ જાય બધો સરવાળો,
તો બાદબાકી કોની કરું ?
ગોરંભાયેલા આકાશને જોયાં કરું ?
કોયલનાં ટહુકા ને મોરનો ગહેકાટ સાંભળ્યા કરું ?
પ્રકૃતિનાં સાથી મારાં,
તલસાટ બનીને ઉભરી આવે,
કવિતા રચવાની લ્હાયમાં,
ને થઈ જાય મસ્ત ગૂંથણી,
કવિઓનાં દિલમાં.