ચકલી

એક છે અમારો ચકો

એક છે અમારી ચકી

ચકો લાવ્યો મેગીનો કટકો

ચકી લાવી પીત્ઝાનો કટકો

ચકો બોલ્યો 

હવે તો રોજ રોજ 

આ મને ફાવે નહી 

ખીચડી તો ઘરમાં 

કોઇ લાવે જ નહી !

ચકી બોલી 

જમાના સાથે રહેતા 

ખાતા શીખો

ઘરના ગાર્ડનને પણ 

જંગલ માણતા શીખો

ચકો બોલ્યો 

આ બધુ તો ઠીક પણ

આ સરકારી આવાસ જેવા 

માણસો એ  બનાવેલ ઘરોમાં

કેમ મજા આવે ?

ને આજુ બાજુ આપણી 

વસ્તી નથી તો છોકરાવ 

સાથે

Advertisement

રમવા કોણ આવે ?

ચકી બોલી 

બસ તમારે તો પરદેશ જાવાનું 

બ્હાનુ જોઈ છે  ત્યાં ભલે જંગલ રહ્યા 

પણ આપણા ઇ આપણા 

આજે નહી તો કાલ સમજશે

આપણ ને પાછા વસાવશે

ચકો બોલ્યો 

તું ભારે આશાવાદી છો

બાકી આપણા જ આપણને 

નડી જ રહ્યા છે ને

ચાલ હવે બહાર જઇ ને 

આ લોકોના એસીના કંમ્પ્રેશર પર 

બેસીને ખાઇએ 

અંહી રેઇઝ ગાર્ડનમાં ભારે 

તડકો નડે છે ને આ આપણું 

ક્વાટર પણ તપે છે !

આપણા દિલની માફક