ચકલીનું સપનુ

મારી ચકલીને એક

સપનું આવ્યું

સપનામાં એણે

શહેર વચાળે 

જંગલ ભાળ્યું

રાજા વનરાજે સૌ

પશુ પક્ષીની 

સભા ભરી

સૌને ગમે તેવી

વાત કરી

વનરાજ કહે 

મારી વાત માનશો 

તો સુખી થશો

કોઇ પશુ પક્ષી કદી

શહેર તરફ ના જશો

અપલખણા કાગડાથી

નહી રહેવાયું

ન’તુ કહેવું તોય 

કહેવાયું

રાજન અમે ન જઈએ શહેર

એ લોકોનો છે કાળો કેર

શહેર બનાવી જંગલ વાઢે

પછી ધરાર જમવા બોલવી

કાગવાસ કાઢે

અંતે

સૌ પશુ પક્ષીઓએ ઉકેલ

અર્થે સર્વાનુમતે નિર્ણય લીધો

માણસને જંગલ માં આવતા 

રોકવા ફરતે અભેદ કિલ્લો કીધો

સવાર થતા જ ચકલીનું સપનું તુટ્યુ

ઝાડ કપાતા ચકલીનું ઘર છુટ્યુ