આવન જાવન

આવે છે એક વર્ષ નવું ને એક ચાલ્યું જાય છે,

અનુભવમાં ઉમેરાયને જિંદગીમાંથી ઘટી જાય છે,

કેટકેટલુંય પામ્યા તો પાછું કેટકેટલુંય ખોયું,

સૂર સામ્રાજ્ઞિની યાદમાં આજ દિલ ભારે થાય છે,

ધરતીના તારલાઓએ આકાશની આભા વધારી,

તો કંઈક નવા તારલાઓ પ્રકાશ પાથરી જાય છે,

ખાટી મીઠી યાદો બધાંની સરખી કેમ હોઈ શકે !

કોઈ થાય છે ખુશ ને કોઈ નિરાશ જણાય છે,

આવનારું વર્ષ પ્રભુ સૌ કોઈ ને સુખદાયી નીવડે,

આશિષ એવા માગતાં મન ખૂબ હરખાય છે,

સૌને શુભેચ્છાઓ, આવનારા નવલા દિવસોની,

જનારું પણ મન પર કેવી છાપ છોડી જાય છે !