પ્રિયતમા

અદ્ભૂત એનું રૂપ છે, ઊગતી સવારની ધૂપ છે,

સંગેમરમરનું સ્વરૂપ છે, એના પર મને માન છે,

સંવેદનશીલ એ જીવ છે, આ આદમની ઈવ છે,

મારા જીવનની નીવ છે, એના પર દિલ કુરબાન છે,

ઝાંઝરનો ઝણકાર છે, વાણીમાં રણકાર છે,

નયનમાં ચમત્કાર છે, એ જ મારું ગુમાન છે,

હાથમાં એનો હાથ છે, જીવનમાં એનો સાથ છે,

સોનેરી સંગાથ છે, બસ એનું જ અભિમાન છે,

ફૂલોનો એમાં રંગ છે, વળી કોમળ એના અંગ છે,

શરીર ત્રીભંગ છે, જાણે નિસર્ગનું એ દાન છે !

મારી પ્રિયતમાની આન છે, એ જ મારી શાન છે,

તેની સફેદ થયેલી લટમાં, હજુ એ બાકી જાન છે,