ભુલાઈ ગઈ
ભુલાઈ ગઈ
નવાઈની વાત છે કે તને એ વાત ભૂલાઇ ગઈ,
જેમાંથી ઉગી'તી જિંદગી એ મુલાકાત ભુલાઈ ગઈ,
તારે ઓરડે જે ઉજાસ છે એની વાત ન્યારી છે,
મારે ઓરડે તો જાણે દીવાઓને રાત ભુલાઈ ગઈ,
તારી એશ્વર્યમાં આળોટવાની ટેવ ગજબ છે બાકી !
મારા દીધેલ ફુલડાંઓની સોગાત ભુલાઈ ગઈ ?
તારા વિરહમાં હૃદય જોને રંગવિહીન થઈ ગયું !
આપણે સજાવેલા શમણાંઓની ભાત ભુલાઈ ગઈ,
તારો દરજ્જો તેં કેટલો ઊંચો કરી લીધો !
ને મને તો મારી પોતાની ઓકાત ભુલાઈ ગઈ,
મારા થવાની તારી લડાઈ તો ખરેખર ગજબની હતી,
આપી હતી બધા દુશ્મનોને માત, ભુલાઈ ગઈ ?