ખેડૂતની કથા
ખેડૂતની કથા
ખેડૂતની તો હંમેશા, કથા અલગ હોય છે,
ધરતીપુત્રની હંમેશા, વ્યથા અલગ હોય છે,
ટાઢ, તડકો વહોરીને હંમેશા સપનાં ખીલવે,
પ્રકૃતિના રોષ સામે બાથમ્બથા અલગ હોય છે,
વાવણી ને કાપણી એવા જ એના ઉત્સવો,
એને આમ ક્યાં રજાઓના જથ્થા હોય છે,
કામ, કામ ને કામ કરે તો જ રોટલો મળે,
એને ક્યાં હક્ક રજાઓ અને ભથ્થાં હોય છે,
બગલાની પાંખ જેવું રૂ એના ખેતરમાં ઊગે,
તોય પોતાના આવરણ જાણે ચુથ્થા હોય છે !