જીવન

જીવનરૂપી પતંગ છે ને ભાગ્યરૂપી દોર છે,

અડચણરૂપી પવનનું આકાશમાં બહુ જોર છે,

પતંગ મારો ચગ્યો છે, સફળતાના આકાશમાં,

અદેખા ને કાપવાવાળા, દેખાય ચારેકોર છે,

હવા બદલાય તો ક્યારેક ડગમગ થયા કરે,

ક્યારેક અહીં ઓર વાય તો ક્યારેક વાય ભોર છે,

ચામાચીડિયું જોકર અને પંખીઓના રૂપમાં,

થઈ રહ્યો ગગનમાં અનોખો શોરબકોર છે,

મનના અસ્થિર પતંગને બાંધ્યું ધીરજનું પૂંછડું,

પછી ઉપરવાળાના હાથમાં સોંપી દીધી દોર છે.