આમ જ કયાં

શ્રદ્ધાના એક તાંતણે, જીવન જીવી જવાય છે,

ગલીઓમાં, આમજ પથ્થરો, કયાં પૂજાય છે ?

આશાનું એક કિરણ, સોનાની જેમ ચમકી જાય છે,

ઘરેણાં, દોરા ને ધાગાઓનાં, આમ જ કયાં પહેરાય છે ?

હજારો પ્રાર્થનાઓમાં, એક દુઆ સાફ દિલની, કબૂલ થઈ જાય છે,

સરળ હૃદય, આ દુનિયામાં, આમ જ કયાં ઠોકર ખાય છે ?

સ્વભાવ ઉપર હંમેશા, પરિબળોની અસર થાય છે,

માણસ કાચીંડાની જેમ, આમ જ કયાં બદલાય છે ?

'ચાહત' ને પ્રેમ, આજે જગમાં ઘટતાં જાય છે,

હોનારતો વિશ્વમાં, આમ જ કયાં દરરોજ થાય છે ?