ફરી પાછું ?
ફરી પાછું ?
1 min
406
જો ભુલી જવાય તો, યાદ કરાય ફરી પાછું,
આમજ ક્યાં, સંસ્મરણ દાટી, દેવાય ફરી પાછું ?
તુટે કદી જો દિલ, તો લાગણી રડે છે,
તોય હૃદયને ક્યાં, તાળું દઈ દેવાય ફરી પાછું ?
જિંદગીનો સાથ છે, ઉરથી કબર તક,
સાથ છોડી પ્રિય જનનો, મળાય ક્યાં, ફરી પાછું ?
હૃદયસોંસરવું, કટુ વેણ ઉતરી જાય છે,
બોલ્યાં પછી, વેણ ખેંચી લેવાય ક્યાં, ફરી પાછું ?
સંબંધમાં હોય “ચાહત” તો, જીવી જવાય છે,
લાગણીનાં અભાવે જીવીને, મરી જવાય ક્યાં, ફરી પાછું ?