શિક્ષક ક્યારેક સ્વજનની, ગરજ સારી જાય છે
શિક્ષક ક્યારેક સ્વજનની, ગરજ સારી જાય છે
1 min
342
અઘરાં પાઠ એકદમ સરળતાથી, શીખવાડી જાય છે,
કેળવણીનું અદ્ભુત, શિક્ષણ આપી જાય છે,
શિક્ષક ક્યારેક સ્વજનની, ગરજ સારી જાય છે !
એકડો ઘુંટાવી, લખતાં શીખવાડી જાય છે,
મરોડદાર અક્ષરોની દુનિયા, ઓળખાવી જાય છે,
શિક્ષક ક્યારેક સ્વજનની, ગરજ સારી જાય છે !
અનુભવોનાં ભાથાંની, લહાણી કરી જાય છે,
જીવનમાં અમીટ, એક છાપ છોડી જાય છે,
શિક્ષક ક્યારેક સ્વજનની, ગરજ સારી જાય છે !
વિધ્યાર્થી જીવનને, યાદગાર બનાવી જાય છે,
શિક્ષણની “ચાહત”નો દીપક, મનમાં પ્રગટાવી જાય છે,
શિક્ષક ક્યારેક સ્વજનની, ગરજ સારી જાય છે !