સ્ત્રી - એક પ્રેરણાસ્ત્રોત
સ્ત્રી - એક પ્રેરણાસ્ત્રોત
સરળ શબ્દની કિતાબ અઘરી છું,
સહેલી છું માટે અઘરી નારી છું.
ખુલ્લી બાજીમાં સઘળું દાવે લગાડું,
પડશે એવા દેવાશેમાં રાચનારી છું.
વાત વાતમાં ન કરો આમ પારખા,
એક જ પલકારામાં પારખનારી છું.
હાર જીતની આ કાયર દુનિયામાં,
હારીને બમણા જોશે વધનારી છું.
કેવી, કેમ, શા માટે કરશો અગ્નિપરીક્ષા,
દશાનનના અભિમાનને પળમાં તોડનારી છું.
ન કાપો પાંખો કે ન પૂરો ચોકઠે;
નિભાડાના સખત તાપે પાકટ થનારી છું
ન ખપે ઉપનામ અબળા કે સબળા,
માણસ નામે નારી હું નારાયણી છું.