જાય છે
જાય છે
1 min
364
અવ્યક્ત લાગણીઓ દિલમાં, બોજ બની જાય છે,
ન કહેવાનાં કહેણ, સંબંધ બરબાદ કરી જાય છે !
ન સમય ક્યારેય રોકાય છે, ન ઘૂઘવતાં મોજાં,
દિવસો આમ વરસો બની, જિંદગી વહી જાય છે !
રંગ બદલે છે માણસ, પોતાનો સ્વાર્થ સાધવા,
કાચીંડાનાં અસ્તિત્વ પર, સવાલ ઊભો થઈ જાય છે !
અભિમાન રહે છે કાયમ, પોતાની શક્તિ પર,
દરેક રાવણને કાયમ, કોઈ રામ મળી જાય છે !
સાચી લાગણી જીવન, સાર્થક કરી જાય છે,
અધુરી “ચાહત” ક્યારેક રાધા બની, અમર થઈ જાય છે !