જીવન ની ઘટમાળ
જીવન ની ઘટમાળ
કંઈક એવા પડાવે તારું મળવું,
જીવનની આ ઘટમાળનું ઘટવું.
સંજોગો પણ કેવા વિપરીત
કોને છોડુ અને કોને પકડું.
અસમંજસમાં હતું મારુ મન,
એક તરફ દ્વિધા અને પ્રેમ.
હૈયું વલોવાઈ ને મચે કોલાહલ
અંતર મમ તો તારી જ આશ.
અને શાને ના હોય તારી પ્યાસ,
શું વાંક ? શું ગુનો મારો?
પૂરી ઈમાનદારીથી સીંચ્યો મે સંસાર,
ને એક જ ઝાટકે તોડ્યો તે સંસાર,
પુરુષ થઈ રણછોડ થયો તરછોડી,
અરે ! હેસિયત જ ના હતી તો શાને બાંધ્યો સંસાર,
દાયકા સુધી સ્વના સ્વાર્થમાં રાચ્યો,
ને હું સમજી કે તું પ્રેમ મય પાગલ,
છોડી વિશ્વાસ પ્રેમની ડોર,
તૂટી સઘળી લાગણીની ડોર,
પડાવ નથી સહેલો આ
ખુદ ને સાચવું ને ખુદ ને જાળવું,
ને એ જ પડાવે તારું મળવું,
જીવનની આ ઘટમાળનું ઘટવું.