હું ને મારું એકાંત

હું ને મારું એકાંત

જ્યારે એકલાં પડીએ

ત્યારે ખૂબ વાતો કરીએ

ક્યારેક ખુદની તો ક્યારેક ખુદાની

ક્યારેક મારી તો ક્યારેક તમારી

ક્યારેક બની ગયેલા બનાવની

તો ક્યારેક અણબનાવની

ક્યારેક મહેફિલમાં એકાંતની

તો ક્યારેક એકાંતમા મહેફિલની 

ક્યારેક ચહેકતી સવારની

તો ક્યારેક મહેકતી સાંજની

હું હસું તો હસે ને  હું રડું તો રડે

અજબ ગજબનો સંબંધ છે અમારો

મિત્ર કહો સાથી કહો જે કહો એ

ન કદી એ રૂઠે ન કદી દૂર થાય

સતત પાસે ને પાસે

જાણે બધું જ સમજે  

હું જો હોઉં ઉદાસ તો આવે હળવેથી પાસ

ક્યારેક સમજાવે ક્યારેક સહલાવે

ક્યારેક વ્હાલ કરે ક્યારેક ખીજાયે

ખરું છે ને એકાંત મારું આ

ન કોઈની વાતો મા આવે

ને ન ક્યારેય વિશ્વાસઘાત કરે

વ્હાલું છે મને આ મારું એકાંત

હું ને મારું એકાંત

જ્યારે એકલા પડીએ વાતો કરીએ