તું

તું હો એ ઉત્સવ સમું હોય ભલે,

પણ અંદર વર્તાતી આ ગેરહાજરી નું શું ? 

તું હો તો રોજ હોય ઈદ,

પણ તારા વગર સર્જાય છે રોજ રોજા એનું શું ?

તું આવે ને મન પાંચમનો મેળો ઉભરાય,

પણ તારા વગર અહી રોજ વેરાન હોય મન એનું શું ?

તું હોય તો હૈયે હરખની હેલી હોય,

પણ તારા વગર રોજ હૈયે ભરાય ડૂમો એનું શું ? 

તું આવે ને આંખોમાં તેજ ઉભરાય,

પણ તારા વગર રોજ આંસુઓની મહેફિલ સર્જાય એનું શું ? 

તું સ્પર્શે ને વસંત ખીલી આખીયે મારામાં,

પણ તારા અભાવમાં સંકોચાઉં હું લજામણી જેમ એનું શું ? 

તું હો તો બધું ખુશ ખુશહાલ છે,

પણ તારા વગર રોજ ફેલાય આ માયુસી એનું શું ?

તું હો એ ઉત્સવ સમું હોય ભલે

પણ અંદર વર્તાતી આ ગેરહાજરી નું શું ?