એ તું છે

સવારનાં પહોરમાં લાગતી,

ભીનાશ એ તું છે !

પાંદડે બાજેલું પેલું ઝાકળનું,

બિંદુ એ તું છે !

ધીમે ધીમે ચડતાં સૂરજનો,

ઉન્માદ એ તું છે !

ધૂળ ઉડાડતી પવનની,

લહેરખીઓ એ તું છે !

કોઈ મા એ કરેલો બાળક પર,

વ્હાલ એ તું છે !

વૃક્ષની ડાળીએ ફૂંટેલી,

કૂણી કૂંપળ એ તું છે !

પ્રેમીના ગાલે પડતું પ્રેમિકાનું,

સ્પંદન એ તું છે !

ફૂલોને થતું ભમરાનું,

ચુંબન એ તું છે !

ભરઉનાળે જડતી વૃક્ષની,

છાંયડી એ તું છે !

પતંગિયાની પંખોમાં રંગોનું,

સમન્વય એ તું છે !

ધાબે પથરાતી શીતળ એવી,

ચાંદની એ તું છે !

લાંબી રાતની નીરવ,

શાંતિ એ તું છે !

નવરાશમાં મારો વેડફાતો,

સમય એ તું છે !

જીવનનો પહેલો શ્વાસ ને,

આખરી ધબકાર એ તું છે !

ને હવે કદીએ ના કહેતી,

કે તું મારામાં કયા છે ?