તમે સ્ત્રી છો

તમે 'સ્ત્રી' છો,

તો તમે ઓલરેડી 'મહાન' છો !

તમારાથી 'મહાન' બીજુ કોણ હોઈ શકે?

તમે જન્મ્યાં હશો ..

એમાંય કેટલી બબાલ થઈ હશે !

તમેં થોડું બોલતાં શીખ્યાં હશો ..

એમાંય નિયમો ઘડાયા હશે !

તમેં કપડાં પહેર્યા હશે ...

એમાંય કેટલાંયને 'વાંધા' હશે !

તમેં ક્યારેક હસ્યાં હશો ..

એનો પણ 'હિસાબ' થયો હશે !

તમેં રડ્યા પણ હશો ...

કયાંક લપાઈને, કોઈકની બીકે !

ને એમાંય ધુત્કાર મળ્યો હશે !

તરુણાકાળે કુદરતી બદલાવ થયાં હશે ..

એમાંય લોકોને 'પાપ' દેખાયું હશે !

તમને પ્રેમ પણ થયો હશે ..

ને એ અંદર જ 'મરી' ગયો હશે ..!

આખરે બીજે ક્યાંક નવી જગાએ મોકલાયા હશે,

ને ત્યાંય તમે ફવડાવ્યું હશે !

આટલું તો એ 'કહેવાતો ઈશ્વર' ..

પણ નાં કરી શક્યો હોત !

તમેં સ્ત્રી છો,

તો તમે ઓલરેડી મહાન છો !!