પ્રેમનું રસોડું

આ માત્ર રસોડું નથી આપણાં ઘરનું,

મ્યુઝિયમ છે  મીઠી યાદોનું !

અહીં માત્ર વાનગીઓ જ નથી બની,

સબંધ પણ ગહેરો મધુરો બન્યો છે !

જેમ ધીમા તાપે રોટલી શેકાય છેને

બસ એમ જ પ્રેમ શેકાયો ધીમા તાપે !

ડુંગળી કાપતાં ક્યારેક અસલમાં રડી તું,

તો મેય વેઢા કાપ્યા છે ચપ્પાથી !

તે રિસાઈને જે મીઠું નાખ્યું હતું શાકમાં,

એ હસતાં હસતાં ખાધું છે મેં !

દિવસ ભલે ગમેતેવો જાય ઓફિસમાં,

બસ સાંજે રસોડામાં એ સુધર્યો છે !

એવું સહેજેય નથી કે હું શોખીન છું ખાવાનો,

બસ મને મજા આવે તારી સાથે રસોડામાં !