ચાલને મીનું જલ્દી, આજ શાળાએ જઈ
ચાલને મીનું જલ્દી, આજ શાળાએ જઈ
ચાલ ને જલદી મીનું, આજે શાળાએ જઈએ;
કોરોના આવ્યો ને લોક ડાઉન આવ્યું,
કે દિ ' થી આપણ ઘરમાં જ છઇએ,
ચાલને જલદી મીનું આજ શાળાએ જઈએ.
નથી ગમતું આ માસ્ક સાથે ફરવું;
નથી ગમતું આ મોબાઈલમાં ભણવું,
દોડવું -રમવું છે ખુલ્લા મેદાને જઈએ,
ચાલને જલ્દી મીનું આજ શાળાએ જઈએ.
શાળામાં જઈએ ને મિત્રોને મળીએ;
અવનવી વાતો આજ ભેળાં મળી કરીએ,
પોપટ, ચકલી, કબૂતર ને મળી લઈએ,
ચાલને જલ્દી મીનું આજ શાળાએ જઈએ.
જતાં રસ્તામાં બધાં ગલૂડિયાં ને લઈએ;
જીદ કરે બિલ્લી તો તેનેય લઈ લઈએ,
સૌ સાથે શાળાએ જઈ મજા કરી લઈએ,
ચાલને જલ્દી મીનું આજ શાળાએ જઈએ.
નથી ગમતું ઘરમાં હવે ગુરુજીને મળી લઈએ;
ગુરૂ સાથે જ્ઞાનની થોડી વાતો કરી લઈએ,
"ગમતું નથી ગુરુજી અમને "- ચાલને જણાવી દઈએ,
ચાલને જલદી મીનું આજ શાળાએ જઈએ.