ઉછીનો વહેવાર
ઉછીનો વહેવાર
સઘળો ઉછીનો વહેવાર ભાઈ આ જગ ઉછીનો વહેવાર,
આજે તારે તો કાલે મારે પણ હોય તહેવાર ભાઈ,
આ જગ ઉછીનો વહેવાર,
કરી ઉપકાર તાર્યા તેમાં શો થયો ઉદેકાર,
પરા પૂર્વથી ચાલ્યો આવે આ લેતી દેતી ને ઉધાર,
ભાઈ, આ જગ ઉછીનો વહેવાર,
ઉપર નીચે થાતી આવે આ જીવનની ઘટમાળ,
રમત રમે છે ઉપર વાળો, આપણ ખેલનહાર ભાઈ,
આ જગ ઉછીનો વહેવાર,
અંજળ એટલું ખાતા જાશું નહીં મળે શ્વાસ ઉધાર,
ભેળાં જીવ્યા ને એકલા મરશું નથી જન્મોનો સથવાર,
ભાઈ, આ જગ ઉછીનો વહેવાર,
ભેગું કરતાં જન્મારો કાઢ્યો અંતે નહીં આવે સથવાર,
માણસ તું ગુમાન ઓછું કર કદી પડશે તુજ વીણ પણ સવાર,
ભાઈ, આ જગ ઉછીનો વહેવાર.