ପାଶେ ଥିବ ସବୁବେଳେ
ପାଶେ ଥିବ ସବୁବେଳେ
ତୁମ ଲାଗି ଆଜି ଗୀତ ଗାଉଛି ମୁଁ
ଏଇ ଏକତାରା ତାଳେ,
ଜୀବନ ଯୌବନ ସବୁ ସମର୍ପିଛି
ଶୋଚନା ନ କରି ତିଳେ ।
କିଏ କି କହିଲେ ନାହିଁ ମୋ ଭ୍ରୁକ୍ଷେପ
ନିନ୍ଦା ଅପବାଦ ଅବା କାହା କୋପ
ଭଲପାଇବାଟା ନୁହେଁ ଜମା ପାପ
ପବିତ୍ର ସେ ସବୁ କାଳେ ।
ତୁମ ଲାଗି ଆଜି ଗୀତ ଗାଉଛି ମୁଁ
ଏଇ ଏକତାରା ତାଳେ...
ନିଜଠାରୁ ଯେଣୁ ଲାଗ ହେ ନିଜର
ମନ ପ୍ରାଣ ତେଣୁ ଅରପିଛି ମୋର
ବିଶ୍ୱାସ ରହିଛି କରିବନି ପର
ପାଶେ ଥିବ ସବୁବେଳେ ।
ତୁମ ଲାଗି ଆଜି ଗୀତ ଗାଉଛି ମୁଁ
ଏଇ ଏକତାରା ତାଳେ...
ଯେଉଁ ସୁର ତାଳ ଅଟେ ତୁମ ପ୍ରିୟ
ସେଇ ଦିଗ ପ୍ରତି ରଖିଅଛି ଲୟ
ତୁମ ପାଇଁ ମୋତେ ଭିନ୍ନ ପରିଚୟ
ମିଳିଅଛି ଧରା ତଳେ ।
ତୁମ ଲାଗି ଆଜି ଗୀତ ଗାଉଛି ମୁଁ
ଏଇ ଏକତାରା ତାଳେ...
ଜୀବନ ଯୌବନ ସବୁ ସମର୍ପିଛି
ଶୋଚନା ନ କରି ତିଳେ ।।