ହୋଇବା ତୁଳସୀଟିଏ

ଟିକି ମୋ ଅଗଣା    ମୁକ୍ତ ବାତାୟନ

     ମାତା ସୁଶୀତଳ ଶଶୀ

ପିତା ସୂର୍ଯ୍ୟ ସମ    ପରିବାର ମୁଖ୍ୟ

      ସଭିଏଁ ଚଳନ୍ତି ମିଶି ।

ପବିତ୍ର ଗୋମୟେ    ଲିପିଦିଏ ମାଆ

      ବୃନ୍ଦାବତୀ ଚଉତରା

ନିତି ପ୍ରାତଃ ସଞ୍ଜେ   ଅର୍ଘ୍ୟ ଧୂପ ଦୀପେ

      କରୁ ଆମେ ଆରାଧନା ।

ତୁଳସୀର ଦଳ     ତୁଳସୀ ମଞ୍ଜରୀ

       ବାସିଥାଏ ମହମହ

ଶୁକ୍ଳ ଏକାଦଶୀ    କାର୍ତ୍ତିକ ମାସରେ

      ହୁଏ ତୁଳସୀ ବିବାହ ।

ତୁଳସୀର ପତ୍ର   ପଡିଲେ ନୈବେଦ୍ୟ

      ହୁଅଇ ଗ୍ରହଣଯୋଗ୍ୟ

ତୁଳସୀ ସ°ସର୍ଗେ    ବିଷ୍ଣୁଲୋକ ପ୍ରାପ୍ତି

     ଯମ ନ ମାଡଇ ଦ୍ୱାର ।

ତୁଳସୀ ମୂଳରେ     ଶଙ୍ଖ ଚକ୍ର ଗଦା

       ସ୍ୱସ୍ତିକ ପଦ୍ମ ମୂରୁଜ

ପଞ୍ଚୁକ ସକାଳୁ     ପ୍ରତିଟି ପରାଣେ

     ଖେଳାଏ ନୂଆ ଉତ୍ସାହ ।

ପର ଉପକାର     ପବିତ୍ର ସଙ୍କଳ୍ପ

     ଆଚରିବା ମୃତ୍ୟୁ ଯାଏ

ଦୁଇଟି ପତ୍ରରୁ     ବିକଶିବା ଗୁଣ

     ହୋଇବା ତୁଳସୀଟିଏ ।

     --------