ଅମାବାସ୍ୟା
ଅମାବାସ୍ୟା
ଘନ ଅନ୍ଧକାରର ଆସ୍ତରଣ
ମହା କାଳର ରୂପ
ଡର ଲାଗେ ଏକା ଚାଲିବାକୁ
ରାଜରାସ୍ତରେ !
ଚାରିଆଡେ ଅନ୍ଧକାରର ରାଜୁତି
କେଉଁଠୁ କେମିତି ଛୋଟିଆ ଶବ୍ଦଟିଏ ହେଲେ
ମନରେ ଛନକା ପଶିଯାଏ !
ଏହି ଅମାବାସ୍ୟା କାହା ପାଇଁ ହୋଇଉଠେ
ଉପଯୁକ୍ତ ସମୟ , ଶ୍ମାଶନରେ ରହୁଥିବା
ଶୃଗାଳ , କୁକୁର ଆଉ ଶାଗୁଣା ମାନେ
ହୋଲି ଖେଳ ପରି ଉପଭୋଗ କରନ୍ତି
ନିଜ ଜୀବନକୁ !
ଅନ୍ଧାର ସେମାନଙ୍କ ପାଇଁ ହୋଇଉଠେ
ବରଦାନ ପରି, ଆଉ ଅନ୍ଧାର ଚାଲିଗଲେ
ଫିକା ପଡ଼ିଯାଏ ତାଙ୍କ ହୃଦ କନ୍ଦର !
ସେମାନେ ପୁଣି ଚାହିଁ ରୁହନ୍ତି ଆଉ ଏକ
ଅମାବାସ୍ୟାକୁ ଯାହାକି ଫେରାଇ ଆଣିବ
ବିଗତ ଦିନର ରୋମାଞ୍ଚକୁ !!