ଭୁଲ ଠିକଣା
ଭୁଲ ଠିକଣା
ସମୟ ସହିତ ତାଳ ଦେଇ ତମେ
ବଦଳି ଚାଲୁଥିଲ
କେତେବେଳେ ମିଛ ବାହାନାରେ
ପାର୍କ ଆଡେ ବୁଲିଯିବା ପାଇଁ
କଲ କରି ଡାକୁଥିଲ !
କଲେଜର ତିନି ବର୍ଷ ପାଠ ପଢା ଭିତରେ
ମୋ ହୃଦୟକୁ ତମେ କାବୁ କରି ନେଇଥିଲ
ମୋ ପ୍ରତ୍ୟେକଟି ଗତିବିଧିକୁ ତମେ
ତନତନ କରି ପରଖୁ ଥିଲ !
ପ୍ରେମର ଗୋଲାପ ବଣରେ ଏମିତି ଭାବେ
ମାଳି ବନେଇ ଦେଇଥିଲ ଯେ
ମୁଁ କେବଳ ପ୍ରେମର ଗୋଲାପକୁ
ଜଗି ରହୁଥିଲି, ଆଉ ତମେ
ଗୋଟିଏ ପରେ ଗୋଟିଏ ସାଥି
ବଦଳେଇ ଚାଲୁଥିଲ !
ପାଠ ପଢା ଶେଷ ବେଳକୁ ଜାଣିଲି ତମେ ଆଉ ଜଣକୁ ନିଜର କରିନେଇଛ
ମୋ ଭଲ ପାଇବାକୁ ପଦାଘାତ କରି
ମୁଁ ଏବେ ବୁଝିଲି ଯେଉଁ ଠିକଣାରେ
ତମ ସହ ଭେଟୁ ଥିଲି
ସେଇଟା ଥିଲା "ଭୁଲ ଠିକଣା "