ବୋଝ

ରାଜୁ ଦାସ ଜଣେ ରିକ୍ସାଚାଳକ

ରିକ୍ସା ବୋହିଲେ ପରିବାର ଚଳେ

ସଂସାର କହିଲେ ପାଞ୍ଚଜଣ ଝିଅ

ଦୁଃଖ କଷ୍ଟ ଜଂଜାଳ ଭିତରେ

ପେଶି ହୋଇଯାଏ ରାଜୁ ଦାସ !

କେଉଁ ଦିନେ ଭଡା ମିଳିଲେ

ହାତକୁ ପଇସା ଆସେ ନ' ହେଲେ ନାହିଁ

ଅଭାବର ଚାରିକାନ୍ଥ ମଧ୍ୟରେ

ଅହରହ ଜଳୁଥାଏ ରାଜୁ ଦାସ !

ପାଞ୍ଚଜଣ ଝିଅଙ୍କ ବୋଝ ତାକୁ

ଅସ୍ତବ୍ୟସ୍ତ କରି ପକାଏ

କାହାକୁ କହିବ ତା ମନର ଦୁଃଖ

କାହାକୁ ଗୁହାରି କରିବ ତା ହୃଦୟର କଷ୍ଟ

ଖାଲି ଚିନ୍ତା ଆଉ ଚିନ୍ତା !

ବଡ଼ ଝିଅ ଲିଜା ଭୋକ ଉପାସରେ ରହି

ପାଠ ପଢିଛି, ବାପାଙ୍କର ଚିନ୍ତାଗ୍ରସ୍ତ

ମୁହଁକୁ ଦେଖି ନିଜ ମନକୁ

ଦୃଢ଼ କରିଛି

ପାଠ ପଢି ଜିଲ୍ଲାପାଳ ଭାବେ

ନିଯୁକ୍ତ ହୋଇଛି ଆଉ ବାପାଙ୍କର

ସଂସାର "ବୋଝ "କୁ ହାଲକା କରିଛି !