ଆସିଲାଣି ଶୀତ
ଆସିଲାଣି ଶୀତ
ଉଷୁମ ପଶମ ପୋଷାକ ବୁଣାରେ
ପ୍ରିୟା ରହେ ଯେବେ ବ୍ଯସ୍ତ
ପଣତ ଉହାଡେ ମୁହଁଟି ଲୁଚାଇ
ଝୁମି ଝୁମି ଆସେ ଶୀତ ।
ଅଗ୍ନି ସ୍ପର୍ଶ ପାଇଁ ସର୍ବାଙ୍ଗ ଶରୀର
ହୁଅଇ ଯେବେ ଆତୁର
ଆସିଗଲେ ଶୀତ ମହୌଷଧି ସୂର୍ଯ୍ଯ
କିରଣ ଲାଗେ କଅଁଳ ।
ଫୁଟେ ସ୍ମୃତି ସଜ ଗୋଲାପ ରଙ୍ଗରେ
ଶୀତରାଣୀ ଆସିଗଲେ
ଶୀତୁଆ ସଞ୍ଜରେ କଣ୍ଠେ ମଧୁ ଝରେ
ଉହ୍ମେଇ ନିଆଁ ତାପିଲେ ।
ସୁନେଲି ପାଟରେ ବାସେ ଧାନ କ୍ଷେତ
ପ୍ରଗାଢେ ରାତ୍ରୀ ସପନ
ଶୀତ ଆସିଗଲେ ଖୋଜଇ ଅଧର
ପିଆଲା କଫି ଗରମ ।
ଅଭୁଲା ସେନେହ ଆତ୍ମିକ ବନ୍ଧନ
ଶୁଭାଶିଷ ଉପକାର
ଆସୁଥା ଏମିତି ଅଜାଡି ଦେବାକୁ
ଶୀତରାଣୀ ବାର ବାର ।