ଶକ୍ତି ସ୍ୱରୂପା ମା ଦୁର୍ଗା

ମଙ୍ଗଳ କାରିଣୀ ଦୁର୍ଗଗା ମାଆ ଲୋ

ଶକ୍ତି ରୂପେ ତୁହି ସ୍ଥିତ

କେବେ କେବେ ହେଉ ଅଷ୍ଟ ଭୁଜା ତୁ ଲୋ

କେବେ ପୁଣି ଦଶ ଭୁଜା ।

ତୁହି ଆଦ୍ୟା ଶକ୍ତି ତୁହି ଯୋଗ ମାୟା

ଏ ସଂସାର ତୋର ମାୟା

ନଜାଣି ତାହାକୁ ଧନ୍ଦି ହୋଇ ନିତି

ଜନେ ହେଉ ଥାନ୍ତି ବାୟା । 

ଆଶ୍ୱିନ ମାସର ଶୁକ୍ଳ ପକ୍ଷ କାଳେ

ଶରତ ଋତୁରେ ତୁ ଲୋ

ଧରା ଆଗମନ କରି ମଣ୍ଡପ ରେ

କର ରେ ଧରି ତ୍ରିଶୂଳ ।

ଉଭା ହୋଇ ପୂଜା ପାଇ ଥାଉ ମା ଲୋ

ବାଜେ ଘଣ୍ଟ ,ଘଣ୍ଟା , ରୋଳ

ଧନ୍ୟ ଲୋ ଜନନୀ ଚଣ୍ଡ ବିନ।ଶିନୀ

କରୁ ଜଗତ ମଙ୍ଗଳ ।

ମଙ୍ଗଳ ମୟି ଗୋ କଲ୍ୟାଣ କାରିଣୀ

ଭକତି ଅନ୍ତରେ ପୂଜା

କରି ଯେ ନମଇ ପୟରେ ତୋହର

ଦୁରାଉ ତା , ଶୋକ ଚିନ୍ତ ।