Library
Profile
*କବିତା ଆସର ଶୀର୍ଷକ:-*❤ *ମୋ କବିତା ଆଉ* *
*କବିତା ଆସର ଶୀର୍ଷକ:-*❤ *ମୋ କବିତା ଆଉ* *
*କବିତା ଆସର ଶୀର୍ଷକ:-*
❤ *ମୋ କବିତା ଆଉ*
*ଭଲ ଲାଗୁ ନାହିଁ*❤
*************************
ଲତା ବେହେରା ।
^^^^^^^^^^^^^^^^^^^
ମୋ କବିତା ଆଉ ଭଲ ଲାଗୁ ନାହିଁ
ଲେଖିବାକୁ ଇଚ୍ଛା ହେଉନି
କେମିତି ଲେଖିବି ଭାବି ମୁଁ ପାରୁନି
ଶବଦ ଖୋଜି ବି ପାଉନି ।
କେତେ କବି କେତେ ଭଲ ଲେଖୁଛନ୍ତି
ପଢିଲେ ମନରୁ ଯାଉନି
କିଏ କହୁଛନ୍ତି ତୋହରି କବିତା
ଆଉ ଜମା ଭଲ ହେଉନି ।
ସତ ମୁଁ କହୁଛି ସ୍ୱାଗତ କରୁଛି
ମୋ ଲେଖା ମୋ ମନ ପାଉନି
ତାଙ୍କ ତୁଳନାରେ ମୋ ଲେଖା ସତରେ
ଟିକିଏ ଭଲ ବି ହେଉନି ।
ଥରୁଟିଏ ଯିଏ ଆଖି ପକେଇବ
ଆଗକୁ ସେ ଆଉ ଯାଉନି
ଏମିତି କବିତା କେମିତି ଲେଖୁଛି
ପଢିବାକୁ ଇଚ୍ଛା ହେଉନି ।
ଶବ୍ଦ ସଂଯୋଜନା ନା ଭଲ ରହିଛି
ଲେଖିବାର ଶୈଳୀ ପାଉନି
ମନକୁ ଯା' ଆସେ ଗାରେଇ ଦେଉଚି
ପାଗେଳିଟା ଲେଖା ଛାଡୁନି ।
ଟିକେ ହସ ଲାଗେ ଟିକେ ଦୁଃଖ ଲାଗେ
ଲେଖା ଛାଡି ରହି ପାରୁନି
ଭଲ କବିତାଟି କେମିତି ଲେଖି ବି
ଲେଖି ଜମା ମୋତେ ଆସୁନି ।
ଏତେ ବାଜେ କବିତାଟି ହେଉଅଛି
ମନରୁ ତ ଭୁଲି ପାରୁନି
କବି କବୟିତ୍ରୀ ଆଶୀର୍ବାଦ ହାତ
ମଥାରେ ମୋହର ରହୁନି ।
ଭଲ ଲେଖିବାକୁ ଯେତେ ଭାବୁଅଛି
ଭାବନା ମନରେ ଆସୁନି
ଅନେକ ଭୁଲଟି ରହୁଛି ସେଥିରେ
କେବେବି ସୁଧୁରି ପାରୁନି ।
ମନ ମୋ କହୁଛି ଏମିତି ଲେଖୁଛୁ
ଲାଜ ଟିକେ ତୋତେ ମାଡୁନି
କବି କବୟିତ୍ରୀ କି ସୁନ୍ଦର ଲେଖା
ଅକଲ ମୁଣ୍ଡରେ ପଶୁନି ।
ଲେଖନୀ ମୋହର ନୀରବି ଯାଇଛି
ଶବ୍ଦ ତୂଳୀ ଖୋଜି ପାଉନି
କାଗଜ ରହିଛି କଲମ ଧରିଛି
ଭାବନାରେ ମନ ଭିଜୁନି ।
ନିଜକୁ ଧିକାର ଲାଗୁଛି ବହୁତ
କେମିତି ବୁଝି ମୁଁ ପାରୁନି
ଏମିତି ଲେଖୁଛି ମୁଁ ବାଜେ କବିତା
କାହା ମନ ଛୁଇଁ ପାରୁନି ।
ମାଆ ସରସ୍ବତୀ ଲେଖନୀ ଚାଳନା
କେମିତି ମୋହର ହେଉନି
ମୋ କବିତା ଆଉ ଭଲ ଲାଗୁ ନାହିଁ
ଲେଖାରୁ ଓହରି ପାରୁନି ।
"""""""""""""""""""""""""""""""""""
🌹❤🌹❤🌹❤🌹
ଲତା ବେହେରା ।
ଜକା, ଢେଙ୍କାନାଳ ।
💅💅💅💅💅💅💅
