ମାଟିର ମହକ
ମାଟିର ମହକ
ଶୁଙ୍ଘିଛ କି କେବେ ମାଟିର ମହକ
କିପରି ଚନ୍ଦନ ଚନ୍ଦନ ବାସେ
ଆଷାଢ଼ର ପହିଲି ବର୍ଷାରେ
ଭିଜା ମାଟିର ଛାତି ତଳୁ
ଲାଜର ଓଢ଼ଣୀ ଟେକି
ଲାଲ୍ ଟୁକୁ ଟୁକୁ ସାଧବ ବୋହୂଟି
କିପରି ଲାଜେଇ ଲାଜେଇ ହସେ ।
ଅନୁଭବିଛ କି ମାଟିର ମମତା
ତା' ସ୍ନେହର ଅମୃତ ବାରୀ
ଯେତେ ଦୂରେ ଗଲେ ପର କରେ ନାହିଁ
ସେ ପରା ମାଆ ଆମରି ।
ଚାଷୀକୁ ଦିଏ ସେ ସୁନାର ଫସଲ
ବୀରକୁ ଦିଏ ତାକତ
ତା'ବକ୍ଷରେ ଆମେ ନାଚି ଖେଳି କୁଦି
ଯେତେ ଯାହା କଲେ
ହୁଏନି କେବ ସେ କ୍ଳାନ୍ତ ।
ଦେଇ ଜାଣେ ଖାଲି ନେଇ ଜାଣେ ନାହିଁ
ସେ ଆମର ମାଟି ମାଆ
ପ୍ରଥମ କୂଆଁଟି ତା' କୋଳରେ ଶୁଭେ
ଜୀବନର ଅନ୍ତେ ତାହାରି କୋଳରେ
ଚିର ନିଦ୍ରାରେ ଶୋଇ ଯାଉ ଯେବେ
ଜଳେ ଆମ ଜୁଈ ନିଆଁ ।