କାମନା ମୋ ଜଗନ୍ନାଥ
କାମନା ମୋ ଜଗନ୍ନାଥ
ନୀଳାଦ୍ରୀ ବିହାରୀ ଶଙ୍ଖ ଚକ୍ରଧାରୀ
ପତିତ ପାବନ ସେ ତ
ସକଳ ଦୁଃଖର କାରଣ କାମନା
କାମନା ମୋ ଜଗନ୍ନାଥ |
ସବୁ ଇଚ୍ଛା ମୋର ତୁମରି ନିକଟେ
କରିଦେଲି ସମର୍ପଣ
ସକଳ କାମନା ତୁମେ ମୋର ପ୍ରଭୁ
ଥିବାଯାଏ ହୃଦେ ପ୍ରାଣ |
ନିରବେ ବସିଛ ନୀଳାଚଳ ଧାମେ
ଆହେ ପ୍ରଭୁ ଜଗନ୍ନାଥ
ମନ ପ୍ରାଣେ ମୋର ନିରବତା ଭରି
ଦିଅ ଜଗତର ନାଥ |
ସକଳ କାମନା ଦୁଃଖ ଦେଇଥାଏ
ଆଜି ମୁଁ ପାରିଛି ବୁଝି
ତୁମକୁ କରିବି ଗୋଟିଏ କାମନା
ଜୀବନର ଯୁଦ୍ଧେ ଯୁଝି |
ଗୋଟିଏ କାମନା ତୁମେ ଜଗନ୍ନାଥ
ଆଜି ମୁଁ ପାରୁଛି ବୁଝି
ଅପର କାମନା ମାୟା ମରିଚିକା
ଆଜି ମୁଁ ପାରୁଛି ବୁଝି |
ଅଧା ଗଢା ହାତ ଦେଖାଇ କହୁଛ
ସର୍ବ ଜୀବ ଅସମ୍ପୂର୍ଣ୍ଣ
ତୁମଠାରେ ଲୟ ରଖିଥାଏ ଯିଏ
ତା ଜୀବନ ସୁଖ ପୂର୍ଣ୍ଣ |
ସକଳ ଦୁଃଖର କାରଣ କାମନା
ସର୍ବଜନ ସମାଦୃତ
ତୁମରି କାମନା ଦୁଃଖ ଦିଏ ନାହିଁ
କୃପାମୟ ଜଗନ୍ନାଥ !
ତୁମ ନାମ ପ୍ରରୁ ଭାବୁଥିବି ମୁହିଁ
ନିତି ଅହର୍ନିଶି ବସି
କାମନା ବିନାଶେ ଦୁଃଖର ବିନାଶ
ଲୋଡା ଏକା କଳା ଶଶି |
ତୁମ ପାଦ ତଳେ ସମର୍ପଣ କଲି
ସକଳ କାମନା ମୋର
ତୁମ କରୁଣାର ହାତ ରଖ ପ୍ରଭୁ
ସଦା ମଥାପରେ ମୋର ||